احدث فاشون فى عالم الاظافر و هى الطباعة على الاظافر ، و اللى بيتم من خلال ماكينة معينة و معاها كتالوج تختارى منه الشكل اللى يعجبك و بعدين تستخدمى الماكينة لطباعته على الاظافر ، الماكينة دى عندى ، و انا جربتها و هى تحفة و الكتالوج فية الاف الصور و الاشكال اللى ممكن طباعتها على الاظاقر تختارى منه حسب الالوان اللى هتلبسيها ، و كمان الطباعة بتكون على اصبع اليدين و اصابع الرجلين كمان ، و على فكرة ممكن كمان اختيار اى صورة من على كاميرتك الديجيتال و طباعتها على اظافرك ، و ممكن كمان تصورى نفسك من خلال الماكينة و طباعة صورتك على اظافرك ، و الصورة اللى بتطبع بتكون شديدة الوضوح و الوانها تحفة ، و كمان الطباعة دى بتفضل على الاظافر مدة اطول من المانيكيير .
و الرسومات دى ممكن تطبع على الاظافر الطبيعية او الصناعية او الاكريليك ، وفى جميع الاحوال النتيجة اكتر من رائعة

ده مشروع تحفة سواء للبنات او الشباب لانه ممكن يتعمل بعدة طرق :
-ممكن فى المولات مع بارتيشن صغير و هيككون تحفة
-ممكن فى ملاهى الاطفال ( لانه فيه مئات الاشكال و الصور و الشخصيات الكرتونية المحببة للاطفال )
-ممكن فى البيوتى سنترز ، و الكوافيرات
-ممكن يتعمل بيها شغل خاص فى اعياد الميلاد للاطفال ( ما احنا بنجيب الساحر و العرايس و ....... غيره )
و دلوقتى بالاخص فى المصايف و البلاجات يتعمل بيها احلى شغل ( اختيار الصورة المناسبة للون المايوه و الكاش مايوه )
و كل واحد و خياله و افكاره فى كيفية التنفيذ ، لان الوضوع جديد و حلو و كمان ارباحه سريعة ، و مش مقرف فى تنفيذه ، بالعكس .
عامة انا قلت شوية افكار ، باساعد يعنى ، و ربنا يوفقنا كلنا